სასტუმრო
"ლიზა"
|
სასტუმრო
"ლიზა"
|
|
ღირსშესანიშნაობანი
|
საკურორტო ადგილები გონიო, კვარიათი და სარფი ბათუმის სამხრეთითაა
განლაგებული.
სარფი კი უშუალოდ
საქართველო-თურქეთის საზღვარზე მდებარეობს. ზღვის ამ შესანიშნავ კურორტებზე
წყლის საშუალო ტემპერატურა ივლისში +250ც-ზე ადის. აქ შეჯერებულია ზღვისა და
მთის ჰავა. თვისებებით მას კურორტ იალტას ამსგავსებენ.
გონიო არა მხოლოდ საკურორტო, არამედ ისტორიული ადგილიცაა. მისი ისტორიული სახელწოდებაა აფსაროსი. აქ მდებარეობს უძველესი პერიოდის ძეგლის, გონიოს ციხის ნანგრევები. ამ ტერიტორიებით ჯერ კიდევ ანტიკურ და ელინისტურ პერიოდში იყვნენ დაინტერესებული.ამაყად მდგარი ციხესიმაგრე თავისი ნანგრევებით მნახველს დღესაც უდიდეს ინტერესს აღუძრავს. აფსაროსი საუკუნეების მანძილზე აღმოსავლეთ შავიზღვისპირეთის მნიშვნელოვანი საქალაქო ცენტრი იყო. მის მიდამოებში აღმოჩენილია სამთო–მეტალურგიული კერები. საკუთრივ ციხის ტერიტორიაზე გამოვლენილი დიუნური ფენები ცხადყოფს, რომ აქ პირველი დასახლება ძვ. წ. –VIII-VII სს–დან ჩნდება.
აფსაროსის ციხეს ახ.წ. III საუკუნის მიწურულს შეუწყვეტია ფუნქციონირება. ციხესიმაგრეს გონიოს სახელწოდებით XII-XIII საუკუნეებში მოიხსენიებენ. ციხეს დიდი ტერიტორია უკავია (4,4 ჰექტარი). მისი კედლები და კუთხეები გამაგრებულია 18 კოშკით. ჰქონია 4 კარი, ამათგან 3 ამოშენებულია.
| |||||
